SUNNMØRSPOSTEN – Sjukehusa i Ålesund og Volda er som høgre og venstre handa til Helse Sunnmøre.
Slik formulerte kommunelege Arne Gotteberg det då formannskapa i Ørsta og Volda på eit fellesmøte vedtok ein samla uttale om kva som bør vere Helse Sunnmøre sin strategi i åra som kjem.
Særleg overraskande var det ikkje at eit samrøystes dobbelt-formannskap meinte at Volda sjukehus må ha fødeavdeling og akuttfunksjon i framtida også.
Milliardinvesteringar
Formannskapa viste til at fylkestinget nyleg vedtok at Møre og Romsdal også i framtida bør ha fire sjukehus.
Politikarane viste til at storsamfunnet har investert milliardar i vegsamband rundt Volda, noko som vil kunne styrkje Volda som lokalsjukehus.
Dei to formannskapa rosar Helse Midt-Norge og Helse Sunnmøre for at det er oppretta dialog med Helse Vest og Helse Førde.
Dette kan også styrkje Volda-sjukehuset, som kan verte akuttsjukehus og fødesjukehus for delar av Nordfjord, ikkje minst etter at Kvivsvegen opnar i 2012.
Nordfylket
Under den relativt korte debatten vart det trekt ei klar grense mellom Sunnmøre og Romdal/Nordmøre.
– På Sunnmøre har vi like mange innbyggjarar som Romdal og Nordmøre til saman. Det er eit godt argument for at vi framleis skal ha to fullverdige sjukehus på Sunnmøre. Og Volda-sjukehuset kan altså om få år få eit kraftig utvida nedslagsfelt, sa Volda Venstre sin representant Helge Hamre.
• Les saka i Sunnmørsposten ved å klikke her eller på overskrifta
Ingen kommentarer:
Legg inn en kommentar